منتديات جالكسي







 
الرئيسيةاليوميةمكتبة الصورس .و .جالتسجيلدخول

شاطر | 
 

 تحدي عيوژ & آپليس

اذهب الى الأسفل 
كاتب الموضوعرسالة
جالكسي
مديرة المنتدى
مديرة المنتدى
avatar


تاريخ التسجيل : 22/07/2011
عدد المشاركات : 135
نقاط : 232
التقييم : 3
دولتي : الامارات العربيه المتحده

الجنس : انثى

المزاج : اصمم^^
mms :


مُساهمةموضوع: تحدي عيوژ & آپليس    2011-11-10, 18:48

حكاية عجوز تحدت ابليس
كان فيه إمرأة عجوز مات زوجها وتزوجوا أولادها وكل واحد
راح عند زوجته وتزوجوا بناتها وكل وحده
راحت مع زوجها
المهم العجوز بقية في البيت لوحدها والبنات والأولاد
يزوروها من وقت لوقت . وفي ليلة من الليالي
والعجوز قاعده بدارها تفكر كيف الزمن مر بسرعه
وكبروا الأولاد والبنات وتزوجوا
والزوج مات وهي قاعده لوحدها

وفجأة طلع لها ابليس ) العجوز خافت بسم الله الرحمن الرحيم .
قال لها إبليس أنا راح أدلك على طريقه تخلي
أولادك وبناتك يجوا لعندك على طول وما تبقين لوحدك
قالت أنت قاعد توسوس لي تبيني أخرب بيوت أولادي
أنا أكثر وأقوى كيد منك .. أنت يا بليس كيدك ضعيف
قال لا .. أنا كيدي مو ضعيف
قالت تتحدى . قال نعم بس شو الرهان
قالت أنا بعمل مشكله . لو حليتها . أنا راح
أسمع كلامك . ولو ما قدرت تحلها تجيب
لي سن ذهب بدل سني اللي طاااح
كان واحد من أسنانها مفقوود ( عجوز
قال ابليس خلاص أتفقنا وبنشوف
مين كيده أعظم

وراح أفوز بالرهان

راحت العجوز حق واحد من( العربجيه) هالبطاليه اللي

ما عندهم شغل ويا كثرهم

وقالت أنا بشغلك عندي فترة معينه بس
اذا تبي فلوس لا تتدخل ولا تتكلم
.(وافق الشاب لأنه طفش من البطاله
ويبي فلوس
راحت العجوز ومعاها الشاب لمحل قماش
وقالت له أنتظرني عند باب المحل …
دخلت المحل وخذت قماش غالي وراحت تكاسر تاجر القماش

العجوز: نزل بالسعر يابن الحلال … انا زي أمك وما عندي فلوس

التاجر :اذا أنتي ما عندك فلوس أخذي شيء أرخص

(قماش بعشرة و لا استشوار لشعرك الطاير

العجوز : ما أقدر ….لازم ولا يصير شيء ما صار

التاجر :ليش ؟؟ …..لهالدرجه …..شسالفه؟؟
العجوز:شفت الشاب اللي واقف عند باب المحل ..

هذا ولدي ..يحب له وحده متزوجه وهي تحبه
ولما تتطلق من زوجها …ولدي بيتزوجها

وهو قالي أن عارضتي الزواج بأطردك من البيت
وأمرني أني أشتري قماش غالي

عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطتي كتبته بأسمه(العجوز تبكي) كذااابه
التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يعوضني
العجوز طلعت مستانسه (تضحك) وقالت للشاب روح البيت

وادخل غرفتك وياويلك لو طلعت ما فيه فلوس

و بعدها راحت العجوز لبيت زوجة تاجر القماش وطقت الباب
فتحت لها الزوجة

العجوز:آه يابنيتي أنا تعبت بالطريق
وما أقدر أكمل عطيني شوية ماء بأرتاح عندك شوي

رحبت الزوجة ودخلتها وأكرمتها وجابت لها ماء وشاي

العجوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت.(شوفوا كيد العجائز ههههههه
الزوجة:ياحراااااام نست قطعة القماش …أكيد بترجع بعد شوي وتاخذها
بروح أحطها بالدولاب.. (ولو درت عن المصيبه اللي بتسويها كان خنقتها بالقماش
تاجر القماش رد لبيته وتغدى ونام شوي .قام العصر وفتح الدولاب بيبدل ملابسه عشان يروح محله ……مفاجأة ( يا إلهي ماهذا
عفوا) قطعة القماش ؟؟؟؟؟؟؟!!
وعرف أن المرأة اللي يبيها ولد العجوز هي زوجته يعني تخونه
قام عليها وطقها وطردها بالشارع بالهدوم اللي عليها.
الزوج : أطلعي برا أطلعي... (دانتي نهارك منيل بستين نيله

على رأي إخوانا المصريين

المهم طلقها ومن غير ما تعرف السبب المسكينه

(طبعا الرجل معصب
العجوز كانت تنتظر هاللحظه في أخر الشارع فراحت لها تركض ( تخيلوالمنظر
العجوز: وش فيك يا بنيتي ليش تبكين؟؟؟
الزوجه : زوجي طردني …وما عطاني فرصه أتكلم . وطلقني
العجوز: خلاص أنا بأوديك بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في غرفه ثانيه ينتظر الفلوس الرجال..ماشاء الله ما يعرف بالسالفه

وأمرته أنه ما يطلع منها .

راحت العجوز للشرطه تبكي وتقول :كنت قاعدة في بيتي وفجأة

.... دخل رجل ومعاه إمرأه وقعدوا ببيتي حاولت أطلعهم ما قدرت (أحتلوا بيتي ) (واااقدساااه
ذهبت الشرطه وقبضت على الشاب والزوجه .دخلوهم السجن.
العجوز: ها ها وش رايك يا أبليس ؟؟ دورك اللحين حل للمشكله أبن أمك حلها
أبليس : يا بنت اللذين نكبتيهم يرحم أمك طلعيهم
العجوز: أناراح أحلها وكأن شيء لم يكن .

وراح أربح الرهان ( السن الذهبي )

تخيلوا كيف بدها تحلها ؟





؟



؟



؟



؟



؟؟؟؟؟
؟
؟
؟
؟







شو رأيكم نكمل الحكايه بكره




لا الحل




تحت




؟



؟



؟



؟



؟



؟



؟



؟



؟



؟



؟



؟



؟



؟

راحت العجوز تزور الزوجه بالسجن وقالت لها :أنتي ساعدتيني مرة

وأنا اللحين بأساعدك.يله ألبسي عباتي وغطي نفسك وأطلعي

من السجن كأنك أنا وأنا بأقعد مكانك.

الزوجة:مشكووورة ….لكن أنتي ؟؟؟

العجوز: مالك شغل مثل ما طلعتك بطلع نفسي.
تمت عملية الهروب بنجاح…. ( رامبو )
الوالي أمر الحراس يحضرون المسجونين عشان يحكم عليهم
حضرت العجوز والشاب وقال لهم الوالي :ليش قابضين

عليكم وشو مسوين؟؟ ( هات بيبسي يا عسكري من البقاله )

ردت العجوز:احنا ما سوينا شيء كنا قاعدين ببيتنا أنا وولدي
وجونا الشرطه

واخذونا للسجن . ( جيبلي معاك واحد حليب تكفى ).. العجوز شحادة..

عصب الوالي وهزأ الشرطه( يخرب بيوتكم ) ليه شو ذنب هاي

وإبنها .. قالوا هاي هي اللي بلغت . قال كيف
بلغت وتسجنوها هي وولدها
قالوا فيه وحده عجوز جتنا وبلغتنا بس
ما بنعرف وين راااحت
المهم

طلعت العجوز مستانسه وعطت الشاب فلوس وأنهت خدمته عندها.

راحت العجوز لتاجر القماش

وقالت ليه زوجتك ما هي في البيت انا ادق الباب
ما في أحد
قال ويش تبين بزوجتي يا عجوز إبليس
قالت لانها وانا راااجعه من عندك
تعبت بالطريق وحبيت أرتااح عندها
ونسيت القماش عندها
ولكن خذ قماشتك لأن ولدي تزوج وسافر هو و زوجته
وخلاص
ما أبي القماش.

عرف الزوج انه زوجته بريئه

رجع التاجر زوجته وتأسف منها و راضاها بعد.
العجوز : وش رايك يا أبليس أنا حليت المشكله ..
أبليس :أنتي ربحتي لا ما صدق ااااااااااااااه.... يبكي
وعاد أبليس يجر أذيال الهزيمه
ويقول كيد العجائز عظيم
[b]




مابي من آلدنيا شي
بس أبي ..
....... « ربي »
على قد نيتي يعطيني
الرجوع الى أعلى الصفحة اذهب الى الأسفل
http://galaxyate.3arabiyate.net
شهودة
مرآقپه عآمه لمنتديآت چآلگسي
مرآقپه عآمه لمنتديآت چآلگسي
avatar

تاريخ التسجيل : 03/11/2011
عدد المشاركات : 107
نقاط : 172
التقييم : 3
دولتي : السعوديه

الجنس : انثى

mms :


مُساهمةموضوع: رد: تحدي عيوژ & آپليس    2012-01-21, 21:38

وربي تجنن القصه
تسلم يمينك قلبوا
لباك
drunken



[center]
[/center]
الرجوع الى أعلى الصفحة اذهب الى الأسفل
 
تحدي عيوژ & آپليس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جالكسي :: ملتقى نبع أقلامنا :: الكتب والقصص والروايات-
انتقل الى: